168               TESTAMENTS ENREGISTRÉS AU PARLEMENT DE PARIS            (408)
Item, à la fabrique de Saint Cosme de Reins vint livres Tournois.
Item, à la damoiselle Doges cent livres Tournois.
Item, aux damoiselles de la Salloe etde Briehoul, à chascune cent livres Tournois, qui ont esté baillées à Guy l'Escot, en lieu de l'abbé de Saint Remi, pour les distribuer ainsi que le dit monseigneur l'evesque a ordonné.
Item, à Marote, vesve de feu Coleçon Périlleux, vint livres Tour­nois.
Item, à chascun de ses trois enfans douze livres Parisis.
Item, aux povres parens du dit monseigneur l'evesque pu païs de Champaigne deux cens quinze livres Tournois, qui ont esté baillées au dit abbé de Saint Remi pour les distribuer prestement, tant qu'elles ont esté rabatues sur ce qu'il devoit au dit monseigneur l'evesque.
Item, à Girardin Doges cent livres Tournois pour aler à l'escole, bailliées au dit abbé de Saint Remi pour les distribuer en quatre ans, chascun an vint cinq livres Tournois.
Item, à Marguerite, fille de Claux Barbesan de Bruges, filleule du dit monseigneur l'evesque, une sainture à clox d'or.
Et quant au fermier qui pour le temps estoit de l'ostel d'icellui sei­gneur à Gonnesse, dont mencion est faicte en son dit testament, il en avoit ordonné.
Et pour ce le dit monseigneur l'evesque volt et ordonna, presens les diz notaires, et par ces presentes veult et ordonne ses diz executeurs et tous autres estre et demourer quictes et deschargiez des diz lais ainsi par lui ordonnez, faiz et paiez par les parties cy dessus divisées et de­clairées, sans autres quictances faire ne monstrer; toutes voyes par ce ne sera faicte aucune autre mutacion ne innovacion en son dit testa­ment, mais sera et demourra ycelui testament en tous autres cas et ar­ticles en sa force et vertu, tant qu'il lui plaira.
En tesmoing de ce, nous, à la relacion des diz notaires, avons mis à ces lettres le seel dela dicte prevosté de Paris, l'an de grace mil quatre cens et cinq, le juesdi sept jours du mois de janvier.
Ainsi signé : T. du Han. J. Ggerrî.